PDK sfidon Kurtin: Bjeri 40 nënshkrime, e rrëzojmë Hotin

16:19 | 9 Dhjetor 2020
L G

Zëdhënësi i PDK’së, Avni Bytyçi ka thënë se deputetët e kësaj partie do ta votonin rrëzimin e Hotit nëse VV’ja sjell 40 nënshkrime në Kuvend.

“Përjashtim bën këtu situata kur 40 nënshkrime i sjellë VV në seancë për mocionin e votëbesimit. Atëherë, PDK do ta votoj rrëzimin qeverise duke ofruar 24 vota”, ka thënë ai.

Bytyçi tutje ka thënë se nëse shterohen rrugët për zgjidhjen e presidentit, Kosova shkon në zgjedhje dhe PDK është e gatshme për to.

“Partia Demokratike e Kosovës nuk beson në mentalitetin arkaik të borxheve në politikë. Tuxharllëku i partive tjera politike për postin e presidentit, janë të pakuptimta, ne besojmë në parime dhe marrëveshje politike. Si parti e përfaqësuar në Kuvendin e Republikës së Kosovës, ne jemi të gatshëm të diskutojmë me partitë tjera për zgjedhjen e Presidentit. Nëse nuk ka marrëveshje, edhe shterohen rrugët institucionale edhe kushtetuese. Kosova shkon në zgjedhje, e për këtë çështje, PDK është gati”, ka shkruar ai.

Shpërndaje në rrjete sociale

Lajmet më të lexuara

Të ngjashme

Foto lajm